Life in Fukuoka "Nepali"

【फुकुओकाको याटाई स्टलहरू】

फुकुओका खाद्य संस्कृतिमा धनि शहर हो। फुकुओका भनेपछि, दिमागमा आउने पहिलो कुरा "याटाई" वा स्ट्रीट फूड स्टलहरू हुन्। फुकुओका, जापानभरिमा सबैभन्दा धेरै याटाइहरू भएको शहरको रुपमा चिनिन्छ र यी याटाइहरू पर्यटकिय थलोको रुपमा पनि लोकप्रिय छन्। याटाई मुख्यतया दुई क्षेत्रमा विभाजित छन्: नाकासु क्षेत्र र तेन्जिन क्षेत्र, जहाँ लगभग १०० वटा जति स्टलहरू छन्। हाकाताको विशेष खानाहरू जस्तै रामेन, याकिटोरी र जापानी म:म: मात्र नभई, चाइनिज, स्पेनिस र फ्रान्सेली जस्ता विभिन्न बहुराष्ट्रिय खानाहरूको पनि आनन्द लिन सक्नुहुन्छ।

आजकल, नगदबाहेक अरुबाट पनि शुल्क तिर्न मिल्ने तथा बहुभाषामा मेनु भएका "याटाई" स्टलहरू धेरै बढ्न थालेका छन्। "याटाई" फुकुओकाको खाद्य संस्कृतिको प्रतिकको रुपमा रहनुका साथसाथै एक अर्कासँग अन्तरक्रिया गर्ने थलो पनि बनेको छ। तपाईंहरुले यदि अहिलेसम्म याटाइको अनुभव लिनुभएको छैन भने, यस्तो राम्रो मौसममा अनुभव लिएर हेर्दा कसो होला?

【फुकुओका शहरको सूचना】

यस पटक फुकुओका सिटी इन्टरनेशनल फाउण्डेसनको सूचना रहेको छ।

‘विदेशीहरुका लागि आप्रवासन, आवास र राष्ट्रियता सम्बन्धि परामर्श’ को बारेमा जानकारी

आवासको स्थिति र आवास अवधिको बारेमा, केही कुरा नबुझेको छ कि?

फुकुओका सिटी इन्टरनेशनल सेन्टरमा अवस्थित फुकुओका सिटी इन्टरनेशनल फाउण्डेसनमा, फुकुओकामा बस्नु हुने विदेशीहरूका लागि निःशुल्क परामर्शहरु प्रदान गर्दै आईरहेको छ।

हरेक महिनाको दोस्रो आइतबारको दिउँसो १ बजेदेखि ४ बजेसम्म, प्रसाशनिक वकिलद्वारा तपाईंको प्रश्न र परामर्शको उचित सल्लाह दिनुहुन्छ।

परामर्शका लागि इच्छुक महानुभावहरुले दिउँसो ३:३० बजेसम्ममा काउण्टरमा सम्पर्क राख्नु होला।

परामर्श लिने स्थान, फुकुओका सिटी इन्टरनेशनल सेन्टरको चौथो तल्लामा हो ।

अंग्रेजी, चाइनिज र जापानी भाषामा परामर्शका लागि अग्रिम बुकिंग गर्न आवश्यक छैन।

अन्य भाषाहरुमा परामर्श गर्न चाहने महानुभावहरुले, १ हप्ता अगाडि सम्पर्क गर्नुहोला।

अर्को जानकारी रहेको छ,

LINE कल प्रयोग गरेर परामर्श गर्न सकिन्छ!

फाउण्डेसनको LINE आधिकारिक Accountमा, LINE कल प्रयोग गरि टेलिफोन मार्फत् जीवनयापन सम्बन्धि परामर्श तथा निःशुल्क विशेष परामर्शहरू आदिका लागि सम्पर्क गर्न सक्नुहुन्छ।

टेलिफोन दोभाषे सेवामा २२ वटा बहुभाषी सेवा सम्भव छ।

साथै, फाउण्डेसनको कार्यक्रमहरुको जानकारी तथा विदेशी बासिन्दाहरू लक्षित जानकारीहरु प्राप्त गर्न सकिने भएकोले, "फुकुओका सिटी इन्टरनेशनल फाउण्डेसनको" होमपेजबाट LINE मा Friend add गर्न अनुरोध गरिन्छ!

तर, च्याटमा सेवा उपलब्ध छैन। Text मार्फत् परामर्श लिन चाहनुहुन्छ भने, कृपया "फुकुओका सिटी इन्टरनेशनल फाउण्डेसनको" होमपेजमा रहेको सम्पर्क फारम प्रयोग गर्नुहोस्।